Голем пожар избувна во раните утрински часови во подрумските простории на Радио телевизија Косово.
Поради пожарот овој медиум остана без сигнал до пладне.
– Поради пожарот во подрумите каде што е и архивата на РТК немавме можност да ја реализираме програмата, изјавија претставници на телевизијата.
Портпаролката на косовската полиција Флора Ахмети, изјави дека засега не се познати причинте за пожарот и оти увидот сеуште е во тек.
Според неа, пожарот избувнал во три часот наутро.
Директорт на телевизијата Беким Хасани потврди дека пожарот бил во подрумските простории, каде што е сместена филмската архива, но оти се уште не се знае причинетата штета.
– Со максималните напори, попладнево успеавме преку алтернативен пат да ја продолжиме програмата бидејќи поради безбедносни причини и да се избегне евентуална поголема хаварија на технологијата, има прекин на електричната енергија во објектот, изјави Хасани.