Голема група граѓани и вечерва се собра пред седиштето на општината во црногорскиот приморски град Будва, откако пропаднаа преговорите за надминување на политичката криза во градот.
Пред општината е распореден полициски кордон, а претседателот на општината, Крсто Радовиќ, ги повика поддржувачите да бидат мирни и да не ги напаѓаат полицајците.
Минатата недела, група пратеници од Демократската партија на Србите во Будва со тесно мнозинство го презеде советот на општината, а сменетите претставници на локалната власт обвинија за насилна промена на волјата на гласачите.
Радовиќ ги повика сите кои сакаат да му дадат поддршка нему и на останатите сменети функционери, да дојдат во општината, но, како што кажа, „без паравоени и параполициски формации“.
„Ваков грабеж, кршење закони, прекројување на изборната волја на граѓаните, фалсифукување печати… ова е незапаметено во последните 30 години. За ова е потребна кондиција, а ние ја имаме,“ рече Радовиќ.