Романскиот премиер Виктор Понта е победник во првиот круг од претседателските избори, покажуваат првичните резултати од гласањето.
Негов противкандидат во вториот круг на 16 ноември ќе биде градоначалникот на Сибиу, Клаус Јоханис.
Лидерот на социјалдемократите Виктор Понта освоил 39,57 отсто од досега преброените гласови, додека неговиот ривал, кандидатот на либералите, Клаус Јоханис, кој е етнички Германец, има 30,19 проценти.
На трето место се наоѓа претседателот на Сенатот, Калин Попеску Таричану со 5,83 отсто, по него следува поранешниот министер за туризам Елена Удра со 5,17 проценти и поранешната министерка за правда и член на Европарламентот, Моника Маковеј со освоени 4,65 отсто од гласовите.
Според потврдените податоци, излезноста на гласачите во првиот круг од изборите била 52,56 отсто.