Во Нови Сад синоќа се случи филмска потера, кога возач на сив „мерцедес“ сакаше да побегне од полицијата, откако претходно не ја послуша нивната наредба да го запре возилото.
Во еден момент, возачот на автомобилот ја изгуби контролата врз возилото и предизвика сообраќајна несреќа на улицата Сава Ковачевиќ во Нови Сад, а во таа прилика е повредена жена, според страница „192.rs“.
Нивото на алкохол во крвта на возачот било над 2 промили и тој веднаш е уапсен.
Поради силата на ударот, возилото останало непрепознатливо, каросеријата на предниот дел смачкана, а делови расфрлани по целиот пат.