Еден од најпознатите светски графичари и добитник на повеќе од 50 награди и признанија Мерсад Бербер (72) почина синоќа во Загреб, пренесува “Večernji list”.
Како што се наведува, познатиот сликар и графичар, ненадејно починал во ноќта меѓу неделата и понеделникот во својот дом, што во краток разговор потврдила куќната помошничка на фамилијата Бербер.
Бербер е роден во 1940 година во Босански Петровац. Дипломирал на Академијата во Љубљана во 1963. и специјален курс кај Рик Дебењак во 1965 година.
Од 1978 до 1982 година. предава на катедрата за цртеж и графика на Академијата за ликовни уметности во Сараево.
Неговото дело “Byzantium III” ја краси колекцијата на галеријата Тејт, и има освоено повеќе од 50 награди и признанија за својата работа. Од 2007 година.е член на Руската академија на науките.