Европската комисија се надева дека по изборите на 12 мај Бугарија ќе биде во состојба да состави стабилна влада, која ќе може да ги увиди проблемите на граѓаните и да ги продолжи реформите во енергетиката и антимонополското законодавство, изјави во Брисел бугарскиот претседател Росен Плевнелиев по средбата со претседателот на ЕК Жозе Мануел Барозо.
– Разговаравме за дневниот ред на следниот Европски совет, темите се мошне важни за Бугарија, поврзани се со невработеноста, особено меѓу младите, со мерките за поддршка на растот и вработеноста, нагласи Плевнелиев, јави БТА.
Тој додаде дека со Барозо разменил информации за ситуацијата во Бугарија и тоа што ќе се случува понатаму.
Плевнелиев нагласи дека Бугарија добила целосна поддршка од ЕК за достојниот начин на кој се справила со предизвиците, согласно Уставот и законите.