Во центарот на државната платформа за Косово и Метохија е идејата северниот дел на Косово да добие најширока можна територијална, суштинска автономија и да биде некој вид на ентитет, објави денеска „Вечерње новости“.
Државната платформа, што следните денови ќе ја претстави претседателот Томислав Николиќ, во неделата ја поддржаа лидерите на владејачките партии.
Според неофицијални информации на „Вечерње новости“, Србија би требало да се бори за што поголеми статусни и формални права на Србите во Косово и Метохија.
Весникот наведува дека платформата ќе се повикува и на Уставот на Србија, бидејќи Белград под ниту едни услови нема да ја признае независноста на Косово.