Хрватскиот европратеник од редовите на социјалдемократите Тонино Пицула е избран за претседател на делегацијата на Европскиот парламент за односите меѓу Босна и Херцеговина и Косово во следниот петгодишен мандат.
Заблагодарувајќи им се на колегите од ЕП за укажаната доверба, Пицула потсети дека БиХ и Косово се соочуваат со сериозни и тешки предизвици во своите амбиции да станат дел од Европската унија.
– Заедно со колегите од делегацијата ќе ги вложиме наше искуство, знаење и добрата волја за да им помогнеме во остварувањето на тие амбиции, порача Пицула.
Со конституирањето на делегацијата само еден ден по општите избори во БиХ, ЕП покажа одлучност и натаму интензивно да ја следи ситуацијата во БиХ и да и пружа помош, но исто така побара од новоизбраните функционери државата да тргне во насока на спроведување на одлучни реформи, кои ќе го обезбедат функционирањето на сите нивоа.