Исламската Република Пакистан донесе одлука да го признане независно Косово, соопшти портпаролот на косовското министерство на надворешни работи Артан Бехрани.
– Добивме официјално известување за признавањето од Пакистан и во очекување сме на вербалната нота за тоа, изјави Бехрани.
Претставници на Владата на Косово имаа повеќе средби со претставници на Пакистан на кои е побарано признавање од страна на оваа држава.
Пакистан со ова стана 98 држава која го признава Косово, по прогласувањето на независноста во февруари 2008 година.