Лидерот на Алијасата за Ново Косово и потпретседателот на косовската Влада, Беџет Пацоли, изјави дека се согласува да се повлече од актуелната владина коалиција, доколку тоа го побара премиерот Хашим Тачи.
„Доколку премиерот во иднина сака да има друг партнер во владата, ние сме поготвени да си ги собереме алиштата и да заминеме. Никогаш не сум бил против тоа да се случи. Доколку до тоа дојде, нашиот придонес ќе го даваме како опозиција“, рече Пацоли во интервју за РТВ 21.
Тачи претходно најави коалиција со Алијансата за иднината на Косово, на Рамуш Харадинај.