Првиот заменик премиер и министер за надворешни работи на Косово, Беџет Пацоли објави дека Гвинеја Бисао повторно потврди дека ја признала независноста на Косово.
Тој за приштинската телевизија КТВ изјави дека добил нота за потврдување за признавањето на Косово и истата ја презентираше пред гледачите.
Претходно, српскиот министер за надворешни работи, Ивица Дачиќ изјави дека Гвинеја Бисао ја повлече одлуката за признавање на Косово од 2011 година.
Пацоли изјави дека со примената нота се потврдува признавањето на Косово од страна на Гвинеја Бисао, а истата била доставена и до владата на Србија.