Бугарскиот министер за финансии Симеон Џанков поднесе денеска оставка од функцијата, по масовни демонстрации против политиката на владата.
Десетици илјади Бугари протестираа вчера заради високите цени на електричната енергија и ниските примања, обвинувајќи ја владата за несоодветни мерки со кои го намалува стандардот на граѓаните во најсиромашната членка на ЕУ.
На негово место ќе биде назначен Томислав Дончев, кој во моментот е министер одговорен за фондови од ЕУ.
Од 2009 година кога ја презема функцијата премиер, Бојко Борисов го „напуштија“ девет министри и многу заменици министри, но ова е првпат „жртва“ да биде вицепремиер, јавуваат бугарски медиуми.