Околу 40 маскирани лица измината ноќ ги нападнаа канцелариите и машините на компанијатаа за преработка на злато во северна Грција, пренесоа агенциите.
Во местото Скурос, на полуостровот Халкидики, постои силен отпор против проектот за изградба на рудник за злато и фирма која ќе го преработува.
Локалните жители се противат на рудникот бидејќи, според нив, тој ќе ја уништи животната средина.
Рударската компанија „Хелас Голд“ е во 90-процента сопственоста на канадската рударска компанија „Елдорадо Голд“.
Пожарникарите и полицијата изјавија дека напаѓачите во објектот влегле утринава, пред изгрејсонце, и употребиле Молотови коктели и запаллива течност, за да ги потпалат машините и контејнерите, употребувани како канцеларии.
Еден чувар бил клоцан од напаѓачите и потоа бил примен во болница.