Вкупниот прилив на странски директни инвестиции во Црна Гора во првата половина од годината изнесува 222,3 милиони евра, додека истовремено се одлеале 37 милиони евра, се наведува во извештајот на Централната банка на Црна Гора.
Инвестициите во однос на истиот лански период се зголемени за еден отсто додека вкупниот одлив е намален за 42,6 отсто, објавија црногорски медиуми.
Одливот по основа на вложувања на резиденти во странство бил 9,8 милиони евра, додека на повлекување пари од нерезиденти инвестирани во Црна Гора изнесува 27,2 милиони евра.
Нето странските директни инвестиции односно разликата меѓу нивниот прилив и одлив во првите шест месеци изнесува 185,4 милиони евра што е за 19,1 отсто повеќе отколку минатата година во тој период.