Товарниот сообраќај на излез од Хрватска и влез во Србија е отворен, соопшти српскиот Авто-мото сојуз, пренесува Танјуг.
Граничните терминали за товарни возила се отворени денеска во 12:30 по локално време, се наведува во соопштение на Сојузот.
Колоната камиони од српска страна на границата е долга 11 километри, а од страна на Хрватска пет километри.
Пред неколку дена Хрватска ја затвори границата за товарен сообраќај од Србија, но движењето на патнички возила продолжи непрекинато.