На почетокот на годината во Палма де Мајорка беа уапсени Стефан Милојевиќ, синот на поранешниот фудбалер Горан Милојевиќ и братучед на поранешниот тренер на црвено-белите, Владан Милојевиќ.
Поранешниот фудбалер и ММА борец оттогаш е во затвор, а постои сомневање дека тој е водач на моторџиската банда „Јунајтед трибјунс“ основана во Германија.
Неодамна беше објавен документарец во Шпанија, кој открива како поминало неговото апсење.
Станува збор за документарец на медиумската куќа „ДМАКС“ во кој Милојевиќ е претставен како еден од тројцата најголеми криминалци кои „паднаа“ во Шпанија.
На видеото се гледа како полицијата упаѓа во неговиот стан во Мајорка и го наоѓа со девојче, а додека го претресуваа неговиот стан – Стефан Милојевиќ стоеше мирно и одговараше на прашањата на инспекторот. Тој рече дека зборува англиски и дека е од Германија, потврдувајќи дека бил ММА борец.
При претрес полицијата во становите на Милојевиќ пронајде поголема количина пари, наркотични средства, како и полициски значки и униформи.
Неофицијално, Милојевиќ бил претседател на моторџискиот клуб „Јунајтед трибјунс“, кој обезбедувал клубови и бордели во Шпанија, и на тој начин тие наводно вметнувале свои луѓе кои тргувале со дрога.