Министерството за локална самоуправа на Република Македонија и Министерство за регионален развој и јавни работи на Бугарија го објавија третиот и последен повик со буџет од 3.083.616 евра за реализација на проекти преку Програмата за прекугранична соработка меѓу Бугарија и Македонија, кофинансирана од Инструментот за претпристапна помош ИПА за периодот 2007 – 2013.
Повикот е за проектни предлози за промоција на прекуграничната соработка помеѓу двете земји партнери кои треба да се однесуваат на една од двете приоритетни оски, односно на економски развој и социјална кохезија и за подобрување на квалитетот на живот.
Крајната цел на програмата е да го зголеми капацитетот на локалните и на регионалните власти во развојот и спроведувањето на заеднички проекти во прекуграничниот регион на Благоевград и Ќустендил за Бугарија и Североисточниот, Источниот и Југоисточниот статистички регион за Македонија.
Предлог проектите може да се поднесуваат до 4 март 2013 година во 16 часот по локално време.