Земјите-членки на еврозоната ќе дозволат исплата на нова транша помош за Грција во висина од 9,2 милијарди евра во следните неколку денови откако грчките власти ги исполнија барањата на доверителите.
Траншата од 9,2 милијарди е само дел од помошта од 49 милијарди евра кои претставниците на Европската унија ги одобрија за Грција во декември. Првиот пакет помош од 34 милијарди евра веќе е исплатен.
– Тие 9,2 милијарди евра треба да бидат одмрзнати во јануари и тоа е само формалност бидејќи политичката одлука веќе е донесена во декември, изјави неименуван извор од ЕУ.