Припадници на ПКК денеска извршиле напад врз полициска станица во турскиот округ Тунџели во источниот дел од државата, јави телевизијата Хабертурк.
Напаѓачите употребиле автоматско оружје и снајпери. Престрелката траела повеќе од половина час. По нападот тие побегнале, а владини сили помогнати со хеликоптери се во потрага по нив.
Локалните власти во округот Шанлурфа во меѓувреме, формирале уште три специјални зони за безбедност на границата со Сирија. Мерките за безбедност по границата се на највисоко ниво.