Претседателот на Србија, Томислав Николиќ оцени дека некои решенија за Косово можат сериозно да го загрозат продолжението на евроинтеграциите, и покрај тоа што Србија и понатаму треба да го продолжи патот, кон остварување на своите цели.
Доколку работите течат како до сега, Албанците да го изнесат својот Устав и закони и да кажат „Доколку се согласувате со ова, се договоривме“, ако за тоа имаат поддршка од Европската комисија или Советот, тоа е знак дека таму нас не, не очекуваат – изјави претседателот на Србија.
Тој додаде дека не е можно да се прави избор помеѓу ЕУ и Косово, туку дека Србија треба да се залага и да оствари максимум од интересите на Косово, но и интересот на сите граѓани, а тоа е членството во Унијата.
Според неговите зборови „црвената линија“ која Србија не смее да ја помине е никогаш да не ја признае независноста на Косово и во долг период да не дозволи на територијата на српските заедници на Косово да се појави некоја вооружена сила.
Елена Георгиевска