На денешната средба на Томислав Николиќ и Борис Тадиќ, идниот и досегашниот претседател на Србија разговарале за тоа како во иднина треба да функционираат институциите на државата.
„Зборувавме за тоа како да се избегне институционалниот вакуум, примопредавање на власта да пројде на најдобар можен начин и да се конституираат институциите на сите нивоа“, изјави Тадиќ.
Николиќ изјави дека граѓаните на Србија треба со оптимизам да гледаат на политичката стабилност на Србија и кажа дека мандатот за состав на владата ќе му го даде на оној што ќе обезбеди мнозинство.
Тој му се заблагодари на Тадиќ што е отворен за соработка и зашто како што рече е свестен дека нема повеќе време и владата треба што побрзо да биде формирана.
Новоизбраниот претседател на Србија, Томислав Николиќ на состанокот со претседателката на Собранието Славица Ѓукиќ Дејановиќ се договори да положи заклетва на новата функција во четврток, а инаугурацијата да биде на 11. јуни.