НАТО е подготвен да ја заштити Турција и разработува соодветни планови во врска со сириската криза, изјави денеска генералниот секретар на НАТО Андерс Фог Расмусен.
Во случај Турција да биде нападната, НАТО ќе ја заштити територијата на таа земја, која е членка на Алијансата. Ние, меѓутоа, се надеваме дека нема да дојде до тоа и сириската криза ќе биде решена по политички пат, истакна Расмусен.
Тој истакна дека „нема планови за воена интервенција на НАТО во Сирија“.
Расмусен додаде дека е неопходно раководството на Сирија да премине кон демократски режим.