Директорот на црногорскиот Фонд за пензиско осигурување, Душан Перовиќ изјави дека 1.271 жена поднеле изјави дека доброволно се откажуваат од своите пензии во корист на средства за мајките со три и повеќе деца.
Петровиќ истакна дека оваа иницијатива ќе му заштеди на Фондот од милион до милион и половина евра.
Црногорскиот државен буџет оваа година предвидел за пензискиот Фонд дополнителни 15 милиони евра за исплаќање на надоместоци за мајките со повеќе деца.
Законот за надомест за мајките со три или повеќе деца стапи во сила на 1 јануари. Според него вработените мајки со три или повеќе деца, кои имаат над 15 години стаж ќе добиваат месечнен надомест во износ од 70 отсто од просечната плата во земјата, која лани изнесуваше 477 евра.