Официјална Атина им препорача на Грците да не патуваат во Западна Африка, освен ако е апсолутно неопходно, по појавата на Ебола вирусот во областа.
Претставници на Министерството за здравство ја објавија препораката по состанокот со Грчкиот центар за контрола и превенција на болести (КЕЕЛПНО).
На Грците кои патуваат во Западна Африка им се препорачува да бараат насоки од КЕЕЛПНО кој е најдобар начин за избегнување на оваа смртоносна болест.
КЕЕЛПНО исто така, препорачува да се прегледаат патниците кои пристигнуваат од земјите каде што има починати луѓе од Ебола. Според локалните експерти, ризикот вирусот да се појави во Грција преку илегалните мигранти е минимален. Само еден мигрант од околу 6.500 кој неодамна пристигнал во Грција бил од Западна Африка, соопштија властите.