На граничните премини на Косово почна примената на одлуката на владата за воведување визи за граѓаните на 87 држави од светот, соопштија српските медиуми.
Меѓу земјите чии граѓани треба да имаат влезни визи за Косово, се Русија, Кина и Индија.
Визниот режим не важи, меѓутоа, за граѓаните на петте земји од ЕУ, кои не го признаа Косово. Тоа се Шпанија, Грција, Кипар, Романија и Словачка.
Портпаролот на Министерството за надворешни работи на Косово, Артан Бехрами, во средата изјави дека одлуката на владата, што се применува од почетокот на оваа година, ќе придонесе за зголемување на безбедноста во Косово.