Момче (14) од Смедерево на Тик-Ток објави видео на кое се гледа како држи пиштол.
После тоа полицијата извршила претрес во семејната куќа и со таткото извршила разговор. Утврдено е дека во куќата немало оружје.
Момчето изјавило дека купило пластичен пиштол во кинеска продавница и дека го пукал и фрлал пластични куршуми низ прозорецот на училиштето, за да се пошегува со другарите. Како што рекол, неговата пријателка сето тоа го снимала, а видеото го објавувала на социјалната мрежа Тик-Ток, кое подоцна го избришала.
Да потсетиме, ова е само еден од низата инциденти што се случија претходните денови, по големата трагедија што се случи на 3 мај, кога ученик (13) уби осум врсници и училишен чувар, а повреди шестмина ученици и наставник по историја.