Белградските пожарникари во опожарен автомобил „фиат пунто“ пронајдоа тело на маж.
Патничкото возило под се уште неразјаснети околности се запалило покрај автопатот „Милош Велики“ во Сурчин.
Возилото е откриено на пат кон манастирот Фенек, а полициски службеници вршат увид на лице место.
По пријавата, пет пожарникари со едно противпожарно возило го локализирале пожарот, по што констатирале дека едно лице загинало во автомобилот.
Што точно се случило ќе утврди истрагата, а идентитетот на мажот ќе биде познат по обдукцијата.