Неопходно е сите страни да работат во координација со меѓународните партнери за деескалација на ситуацијата на северот на Косово, изјави портпаролот на американскиот Стејт департмент, Мет Милер.
Тој го кажа ова како одговор на прашањето за ставот на САД во однос на предлогот НАТО преку КФОР да преземе позначајна улога и целосна контрола над северно Косово за да се спречи понатамошна ескалација.
„Она што мислиме дека е важно е сите страни веднаш да работат во координација со меѓународните партнери за деескалација на ситуацијата, обезбедување безбедност, владеење на правото и враќање на дијалогот со посредство на ЕУ“, рече Милер.