Направивме најдобра можна подготовка, нема отстапки во прашањата поврзани со безбедноста и јавното здравје, изјави премиерот на Грција, Кирјакос Мицотакис.
На безбедноста на граѓаните и заштитата на јавното здравје се задржа и министерот за здравство на Грција, Василис Кикиљас во интервјуто за грчката телевизија „Скај’’.
Тој рече дека се преземени сите неопходни мерки за да може земјата да ја гарантира безбедноста на туристите, на локалното население, но и на туристичките работници.
-За нас, од стратешка важност се и економијата и туризмот, но секогаш со главен приоритет здравјето, јавното здравје, безбедноста на граѓаните. Ова е динамичен начин како ќе одиме напред, ќе тестираме, ќе собираме податоци, рече Кикиљас.