САД во целост ги поддржуваат регионалните иницијативи за Западниот Балкан, изјави американскиот помошник државен секретар за Европа и Евроазија, Вес Мичел во телефонски разговор со бугарскиот премиер Бојко Борисов.
Како што јави БТА, Мичел при тоа ги пофалил „лидертвото на Борисов и бугарското претседавање со ЕУ“ во однос на Западниот Балкан и го нагласил значењето на активните напори за евроатлантската перспектива на западнобалканските земји, како и за нивното меѓусебно поврезување и врските со европските соседи.
Мичел и Борисов разговарале и за напредокот на секоја од земјите од Западен Балкан и за предизвиците со кои тие се соочуваат, пред се кога станува збор за дијалот меѓу Скопје и Атина и односите меѓу Белград и Приштина.
Бугарскиот премиер при тоа ја истакнал неопходноста за „решавање на некои проблеми меѓу земјите од Западен Балкан“ пред Самитот ЕУ-Западен Балкан, предвиден за 17 мај во Софија, со цел да се овозможи „постигнување договор за примена на конкретни проекти“.
Предвидено е Мичел во текот на следните недели да ја посети Бугарија.