Германската канцеларка Aнгела Меркел го повика грчкиот премиер Алексис Ципрас да ја прифати дарежливата понуда од кредиторитe потенцирајќи дека сега Атина е на ред да направи чекор во правецот кој го зазедоа партнерите од еврозоната.
– Ние презедовме чекори за приближување кон Грција, и сега е на ред е грчката влада да преземе сличен чекор, изјави Меркел.
Сабота до 15 часот е крајниот рок до кој што треба да има договор за грчки одговор на најновата понуда која што еврозоната и меѓународните кредитори ја дадоа на Грција за да може да се спречи банкрот на земјата.
По евентуалниот договор и дел од земјите членки на еврозоната меѓу кои и Германија ќе треба го ратификуваат договорот во своите парламенти. Во вторник истекува рокот до кој Атина треба да ги плати обврските кон ММФ за месец јуни во спротивно земјата ќе биде и формално прогласена за несолвентна.