Република Мали денеска го призна Косово, и таа е 92. држава членка на Обединетите Нации која ја признава независноста.
На конференцијата за новинари првиот заменик на премиерот на Косово, Беџет Пацоли го покажа писменото признавање на Косово од претседателот на Мали, Дионцоунда Траор.
Според Пацоли, Того е моментално единствената држава во западна Африка која го нема признаено Косово. Тој најави посета следната недела и на оваа африканска земја, но и на уште неколку на овој континент.