Премиерот на Србија, проф. д-р Ѓуро Мацут, изрази искрена благодарност до припадниците на Министерството за внатрешни работи и сите безбедносни служби кои реагираа брзо и професионално, спречија поголеми инциденти и ги заштитија граѓаните и нивниот имот, соопшти утрово Канцеларијата за медиуми на српската влада.
Премиерот Мацут остро го осуди синоќешното насилство и нападите врз полицијата што се случија на улиците на Белград од страна на хулиганите по митингот на плоштадот Славија.
– Србија е демократско општество во кое мислењата можат и мора да се изразуваат на мирен и цивилизиран начин, без да се загрози безбедноста на граѓаните и да се наруши јавниот ред и мир, нагласи премиерот Мацут.