Турски научник предупредува за климатски промени во Турција под влијание на глобалното затоплување, објави „Милиет“.
Според професорот Јомер Љутфи од Истанбулскиот технички универзитет, кој се занимава со климатските промени, минатата зима била пример за тоа што може да се очекува во Турција од промената на климата. Тој предупредува дека од сушата нивото на вода во државата ќе биде намалено за 30 отсто.
Прогнозата на професорот Љутфи е дека во Истанбул ќе има средоземноморска клима, додека во Турција може да се очекува летата да бидат со горештини и посуви, а зимите потопли.