Милан Јовановиќ лекар на Клиничкиот центар во Ниш, фалсификувал и измислил студија врз основа на која станал васкуларен хирург, а потоа и професор од таа област, пренесе „Блиц“.
Со увид во официјалната документација од различни клиники, прецизно е утврдено дека Јовановиќ во својата студија врз основа на која станал васкуларен хирург, внесувал неточни податоци.
Тие се однесуваат на речиси сите делови од трудот, бројот на интервенции, но и за самите медицински зафати, бидејќи наведувал дека се извршувани со апарати, за кои е утврдено дека воопшто не биле во употреба во Клиничкиот центар.
На факултетот во Ниш каде што врз основа на оваа специјализација станал професор, стои дека специјализирал во 2003 година, додека на дипломата има друг датум односно 29-ти декември 2004 година.
Јовановиќ започнал да работи како васкуларен хирург во јануари 2005 година во Клиничкиот центар во Ниш, а во својата пракса има и случај со пациент кого го оперирал дури 11 пати.
Е. Г.