Курдски демонстрант загина синоќа за време на судири со полицијата во градот Адана, во јужниот дел на Турција.
Петнаесет годишното момче било погодено во главата со звучна граната, истрелана од полициските сили за време на протестот против изградбата на нови воени објекти во југоисточните анадолиски региони, кои се населени главно со Курди.
Некои турски медиуми, пак, објавија дека момчето загинало при експлозија на импровизирана експлозивна направа, која ја држел в раце.