Претседателот на косовскиот парламент Јакуп Красниќи ја обвини владата на премиерот Хашим Тачи, кога станува збор за еконоскиот развој и развојните политики.
Според него, Косово нема единствена стратегија за економски развој и нема фискална политика, кои би биле во служба на инвеститорите.
Красниќи го искоментирал и последниот извештај на Агенцијата против корупција, според која голем број од функционерите се во конфликт на интереси, работејќи истовремено на неколку работни места.
– Какви Супермени се тие кои имаат по пет работни места истовремено. Тие секојдневно го кршат законот и никој не им го расипува чадот на тутунот! Во Косово не само што не се создаваат олеснувања за инвеститорите кои сакаат да инвестираат во земјава, туку се воведени 1001 пречка. На овие инвеститори им се бараат пари, посакуваат да им влезат во делот на нивните инвестиции, изјавил Красниќи.