Косовските граѓани стануваат се понезадоволни од работата на јавните институции, покажало истражувањето на УНДП.
Испитувањето на јавното мислење покажува дека дури 72 проценти се незадоволни од политиката што ја води Косово, наспроти 59 проценти, во ноември, минатата година.
79 отсто се незадоволни од економската политика , додека над 80 проценти од граѓаните сметаат дека токму Владата е главниот виновник за моменталната економска состојба во Косово.
Незапосленоста и корупцијата се најголеми проблеми оценуваат испитаниците, а северот на Косово и понатамуостанува главен извор на конфликти во политичката сфера, стои во Извештајот на Програмата на ОН за развој.
Резултатите од истражувањето покажуваат дека 62 проценти од граѓаните сметаат дека северниот дел на Косовска Митровица треба да има ист третман како и остатокот од Косово.
Извештајот на УНДП е базиран на заклучоците од 1280 анкетирани граѓани,од кои 230 биле Срби.