Златко Кокановиќ, претседател на здружението „Не го даваме Јадар“ преку телевизијата Н1 се обрати до јавноста и рече дека од утре ќе бидат блокирани уште три до пет железнички станици во Србија, а во Белград се блокирани Прокоп и станицата во Нов Белград.
„Рековме дека нема да ги малтретираме нашите граѓани. Иако дел од луѓето патуваат со воз, сепак ги има помалку. А од утре имаме три до пет точки на железнички сообраќај на повеќе места во Србија. Ги повикуваме сите организации дека секој на своето место каде што има клучна точка, да ја блокира Србија мора да престане за повторно да застане“, рече тој, нагласувајќи дека кога ќе се соберат сите, ќе се вратат на вистинскиот пат.
Кокановиќ изјави дека на протестите ќе остане цела ноќ, т.е. на блокади, но и повеќе денови доколку е потребно.
Претходно медиумите објавија дека Прокоп е блокиран, а најверојатно ќе биде блокирана и железничката станица во Нов Белград, а сега тоа е потврдено.