Пет земји на ЕУ кои не го признаа Косово, се повеќе се оддалечуваат од помислата тоа да го направат, а јакне и нивниот став против косовската независност, пишува приштинскиот весник „Коха Диторе“.
Според весникот, засилените барања за референдум за независност на шпанската провинција Каталонија, дополнително ја отежнува можноста за признавање од Шпанија.
„Додека членовите на Владата на Косово се натпреваруваат кој донесол повеќе признавања од земјите од третиот свет , внатре во Европската Унија и во НАТО нема напредок ниту надеж дека Косово ќе го признае некоја од земјите што се спротивставија на независноста“, пишува Коха Диторе.
„Без тоа, остварувањето на желбата за европска интеграција останува само сон кој не може да се оствари“, се наведува во весникот.