Во рамките на седмата рунда на дијалогот Белград-Приштина на 20 март на маса ќе се најде решението за формирање и функционирање на заедницата на српските општини, кое ќе биде прифатливо за двете страни, објави денеска приштинскиот дневен весник „Коха диторе“.
Весникот наведува дека официјалното име за Приштина би било асоцијација, а за Белград заедница на српски општини.
„Коха диторе“ посочува дека Брисел има подготвено решение за функционирање и организација на идната асоцијација (заедница), а за деталите од договорот да биде постигнат на 20 март во новата рунда разговори на која ќе учествуваат косовскиот и српскиот премиер Хашим Тачи и Ивица Дачиќ под покровителство на високиот претставник на Европската унија, Кетрин Ештон.