Коѕијас: Среќен сум за одлуката во македонскиот парламент, обвинувањата дека сум управувал со тајни фондови се одвратни

Од:

Поранешниот грчки министер за надворешни работи, Никос Коѕијас, изјави дека е среќен поради одлуката на македонскиот парламент да пристапи кон промена на уставот, пишува грчкиот весник „Катимерини“.

„Преживувам парадокс. Поднесувам оставка, а истовремено се чувствувам среќен“, изјави Коѕијас при денешното предавање на функцијата на премиерот Алексис Ципрас, кој отсега ќе раководи со министерството.

Дипломатот кој беше главен преговарач за постигнување на договорот за името ја опиша одлуката на македонските пратеници како чекор напред, а освен тоа им заблагодари на македонскиот премиер Зоран Заев, министерот за надворешни работи Никола Димитров и оние 80 пратеници кои синоќа гласаа за договорот.

Што се однесува до обвинувањата против него дека управувал со тајни фондови во грчкото министерство што служеле за финансирање на македонски медиуми, тој ги отфрли како одвратни.

Би можело да ве интересира

Четири опозициски партии доставија барање за гласање недоверба на грчката Влада

А1он

(ВИДЕО) Грција е целосно парализирана: Има судири, летаат солзавци и молотови коктели

Горан Наумовски

Нова демократија: Продолжуваат нападите врз партијата

А1он

Живеат над 90 години и не знаат за деменција – жителите на грчки остров пијат чај секој ден

А1он

ВИДЕО: Прво завршени преговори со ЕУ, па уставни измени, порача Мицкоски од Вашингтон

Катерина Ѓуровски

Грк се забарикадира во работилница, уби две лица, сега се заканува со граната