Десноцентристичкиот кандидат за претседател на Романија, Клаус Јоханис, кој по преброени 99,07 отсто од гласачките ливчиња води со околу 10 проценти пред кандидатот на социјалдемократите и актуелен премиер Виктор Понта, побара отповикување на амбасадорите од државите во кои Романците биле „понижени“ при гласањето.
– Амбасадорите и конзулите од земјите, каде што Романците биле понижени, да бидат отповикани, побара Јоханис, кој засега има освоено 54,50 отсто од гласовите на изборите, наспроти 45,49 процени поддршка за Понта.
И покрај пречките од страна на Владата, романската дијаспора успеала значително да се мобилизира во вториот круг од претседателските избори, а податоците покажуваат дека бројот на гласачите во странство е над половина милион лица.