Во место близу Осиек, во Хрватска вчера беше откриено ужасно злосторство.
Имено, распарченото тело на Маја Р., по која се трагаше од почетокот на август, беше откриено во септичката јама во дворот.
Се покажа дека нејзиниот сопруг, Роберто Р., ја убил, ја распарчил и ја фрлил во септичка јама, а потоа ја пријавил за исчезната.
Уапсениот сопруг денес беше испрашуван и од државното обвинителство и беше изведен во Окружниот суд.
– Предлогот на одбраната ќе биде да се брани со молчење – изјави Владимир Буриќ, адвокат на осомничениот.
Според хрватските медиуми, судијата му одредил притвор на осомничениот поради особено суровата природа на тешкото злосторство.