Според најновото истражување на Белградскиот центар за безбедносна политика БЦБП, една третина од испитаниците навеле дека Претседателот на владата на Србија Александар Вучиќ, е најзаслужен за успехот во борбата против корупцијата, додека секој 10-ти граѓанин се изјасни дека тоа е заслуга на владата.
Секој втор граѓанин смета дека корупцијата е доста распространета, само два проценти од испитаниците сметаат дека корумпираноста воопшто не е присутна во Србија.
Политичките партии и политичарите се оценети како најголеми виновници кои ја попречуваат борбата против корупцијата со 12 проценти.
Според испитаниците за успех во борбата против корупцијата, потребно е да се зајакнат институциите и да се зголемат казните, но тука се и оние 13 проценти кои сметаат дека на поединци треба да им се даде поголема моќ.
Истражувањето покажа дека корупцијата е најприсутна во сообраќајната, криминалистичката и гранична полиција.
Кога е во прашање политичката ориентираност на испитаниците, симпатизерите на ДСС и Движењето Двери, искажаа негативно мислење за раководењето на полицијата на министерот Ивица Дачиќ, додека приврзаниците на ДС и ЛДП имаа сличен став како и просекот на популацијата.
Дури 72 проценти од испитаниците се изјаснија дека нема или не е сигурно дека ќе пријават корупција, доколку е потребно да ги остават своите лични податоци.
Елена Георгиевска