Американски борбен авион Ф-16 исчезна денеска над Јадранското Море, откако пилотот пријавил дека има проблем со авионот, јави италијанската новинска агенција Анса.
Авионот на американското воено воздухопловство летал заедно со други авиони кога се прекинала неговата врска со НАТО базата во Авиано, во североисточна Италија, пренесе агенцијата Франс прес.
Пилотот пријавил проблем во последната порака до базата околу 19 часот.
Во потрагата учествуваат другите авиони, кои летале заедно со него, како и италијанската крајбрежна стража.