Стотина лица се собраа вечерва на нови протести во центарот на Софија, блокирајќи го „Орловиот Мост“, јави БТА.
Демонстрантите ја пееја бугарската химна и извикуваа „Долу партиите!“. Од собирот е предложено формирање на „граѓански комитет“, кој би ги промовирал барањата на учесниците на протестите што се одржуваат низ цела Бугарија.
На самиот стар на протести дошло до помал инцидент кога дел од учесниците на собирот обвиниле некои од присутните дека се провокатори.
Околу 1.000 лица се собраа вечерва на протест против монополските компании во Варна. Претставник на организаторир на протестот информира дека во Сливен се одржува „средба на иницијативните комитети, од која се очекува да бидат испратени заеднички барања за промени во државата“.
На протестот беше побарано и бугарскиот претседател Росен Плевнелиев да не го распушта Народното собрание, бидејќи тогаш „не ќе има која да ги исполни барањата на демонстрантите“.
Протести вечерва се одржуваат и во други бугарски градови.