Откако синоќа од Македонија на лекување во Загреб пристигнаа двајца изгореници, хеликоптер на хрватската армија денеска ќе превезе уште тројца или четворица од нив, а Хрватска е подготвена да прими уште повредени на лекување, изјави министерката за здравство Ирена Хрстиќ.
„Првично пристигнаа двајца пациенти. Денеска пристигнуваат тројца и најверојатно четврти пациент, подготвени сме да примиме уште пациенти“, изјави Хрстиќ по состанокот на парламентарното мнозинство.
Ова се повредените во пожар во ноќен клуб во Кочани, кој избувна во неделата рано наутро. Најмалку 59 млади луѓе загинаа во пожарот, а повеќе од 150 се повредени.
Министерката изрази сочувство до семејствата на загинатите, и посочи дека од самиот немил настан сите надлежни хрватски институции изразиле подготвеност да ги примат повредените, за кои располагаме со високо ниво на лекување.
Како што се влошува состојбата, се менува и темпото на барања“, рече министерот. Во зависност од клиничката состојба на пациентите, Македонија ќе ги изрази своите потреби за нивна грижа, додаде таа.
На Клиниката за трауматологија на болницата „Сестрите на милосрдието“ им е укажана лекарска помош на двајца изгорени македонски млади момчиња, кои рано утринава биле пренесени во Загреб. Еден од нив има изгореници на белите дробови и е на интензивна нега, соопштија од болницата.
Министерот потврди дека за денеска е планиран само еден хеликоптерски лет за преземање повредени македонски државјани.
Таа рече и дека најлошо е кога пулмоналниот систем се влошува при вакви повреди.