Министерот за надворешни работи на Косово, Енвер Хоџај денес изјави дека не може да има дијалот помеѓу Белград и Приштина без посредник на Европската унија.
-Нема дијалог без посредник на ЕУ. Србија е неодговорна и неодлучна. Единствен независен чекор кој може Србија да го направи е да ја признае независноста на Косово – напиша Хоџај на својата страна на социјалната мрежа „Фејсбук“.
На тој начин минисерот за надворешни работи на Косово, му одговори на српскиот премиер Ивица Дачиќ дека дијалогот може да продолжи и без посредник од ЕУ.
Според него на тој начин Дачиќ се обидел да ја спушти на многу ниско ниво Резолуцијата на Генералното собрание на ОН за дијалогот, посредување на ЕУ и вклучувањето на меѓународните претставници во тој процес.
Елена Георгиевска