Државниот секретар на САД Хилари Клинтон денеска ќе пристигне во посета на Турција.
Клинтон ќе разговара во Истанбул со високи турски претставници и со членови на сириската опозиција за кризата во Сирија, како и за други регионални прашања, јавија турските медиуми.
Според американски извори, меѓу главните прашања, кои ќе бидат разгледани, е координирањето на поддршката за сириската опозиција.
Се очекува Клинтон да објави испраќање дополнителна хуманитарна помош од САД за Сирија во износ од 5,5 милиони долари.